Las vagondar úshin tasymaldaýshylar jazalandy
ASTANA. QazAqparat - QR Investıtsııalar jáne damý mınıstrliginiń Kólik komıtetinde 2018 jyldyń ótken merzimi boıynsha jolaýshylar poıyzdarynyń Ulttyq standarty jáne sýbsıdııalaý kelisimsharttaryn ustaný tekseristeriniń nátıjelerin qorytyndylady, dep habarlaıdy QazAqparat.
«Komıtet barlyǵy 8 tasymaldaýshynyń 101 quramyn tekserdi. Baǵdardy damytý sharttaryn oryndamaý, aýa baptaý júıesi men basqa da jabdyqtardyń aqaýlary, vagondardaǵy sanıtarlyq jaǵdaıdyń tómendigi, tósek jabdyqtarynyń kir bolýy sııaqty jıi kezdesetin kemshilikter anyqtalǵan. Kompanııalarǵa tólengen sýbsıdııalardy qaıtarý boıynsha 52,6 mln teńgeden astam somaǵa sanktsııa salyndy», - delingen QR IDM baspasóz qyzmetiniń málimetinde.
Osy oraıda barlyq tasymaldaýshylarǵa anyqtalǵan eskertýlerdi joıý jóninde nusqaý berildi.
