Las sýdy ruqsat etilmegen jerge tókken elordalyqqa aıyppul salyndy
NUR-SULTAN. QazAqparat – Nur-Sultan qalasynda las sýdy ruqsat etilmegen orynǵa tókken assenızator kóliginiń júrgizýshisi jazalandy, dep habarlaıdy QazAqparat.
«Almaty aýdanynyń polıtsııa basqarmasynyń tabıǵat qorǵaýshy qyzmetkerleri 34 jastaǵy assenızatorly vakýýmdy avtokóliktiń júrgizýshisin ustady. Ol kir sýdy A.Baıtursynuly kóshesindegi jaýyn-shashynǵa arnalǵan káriz júıesine tógip ketken. Júrgizýshige qatysy QR ÁQBjK-tiń 505-baby boıynsha ákimshilik hattama toltyryldy. Oǵan 30 AEK (83 340 teńge) kóleminde aıyppul salyndy», - dep habarlaıdy qalalyq polıtsııa departamentinen.
Jyl basynan beri kir sýdy belgilenbegen orynǵa tókkeni úshin 64 júrgizýshige jazalanyp, olarǵa jalpy jıyny 2 mln teńgege jýyq aıyppul salynǵan.
Qalalyq polıtsııa departamenti sharýashylyqqa paıdalanylǵan sýdy tógýge arnalǵan resmı 4 oryn baryn eske salady. Olar:
«Almaty» aýdany – Qoshqarbaev kóshesi, № 72 úıdiń mańynda;
«Saryarqa» aýdany – «Kóktal-1» kenti, «Tulpar» atshabarynyń mańy;
«Esil» aýdany – Qorǵaljyn tas jolynyń boıy;
«Baıqońyr» aýdany – Óndiris kenti. Avtomatıka.
