«Las sýdy kólge aǵyzǵan»: Almaty oblysynda sýsyn óndiretin kásiporynǵa tekseris júrgiziledi

QONAEV. KAZINFORM - Kásiporyn Qarasaı aýdanynda ornalasqan.

Áleýmettik jelide turǵyn tanymal sýsyn túrlerin óndiretin kásiporyn las sýdy jaqyn mańdaǵy kólge aǵyzatynyn habarlap, beınejazba jarııalady. 

Almaty oblysynyń ákimdigi Qarasaı aýdanynda RG BRANDS kompanııasy tarapynan aǵyndy sýlardyń tógilý faktisi boıynsha tekserý bastalǵanyn málimdedi.

— 16 sáýir kúni Ekologııa departamenti men tabıǵat qorǵaý polıtsııasynyń mamandary oqıǵa ornyna baryp, tekserý jumystaryn júrgizedi, - dep habarlady ákimdikten.

Eske salaıyq, buǵan deıin Almaty oblysynda jolǵa jaqyn qazylǵan karer jumysy ýaqytsha toqtatylǵanyn jazǵanbyz.