Larrı Merchant: «Meıýezer Golovkınnen qorqady»
ASTANA. QazAqparat - Amerıkalyq boks sarapshysy Larrı Merchant kishi Floıd Meıýezerdi (48-0, 26 KO) óziniń kezekti qarsylasy retinde Andre Bertony (30-3, 23 KO) tańdaǵan úshin synaǵandardyń qatarynda. Merchanttyń pikirinshe, jartylaı orta salmaqta Bertoǵa qaraǵanda, myqtyraq boksshylar bar. Negizinen, Meıýezer Gennadıı Golovkınmen judyryqtasýy tıis.
«Ne bolyp jatqanyn ózim de túsinbeımin. Bul aıqasty ne úshin kórýimiz qajet? Berto sońǵy alty aıqasynyń úsheýinde jeńildi. Odan myqty da qarsylastar bar. Bokstyń jankúıerleri nege bulaı bolǵanyn túsinbeı dal», -dep Merchanttyń sózin keltirdi TMZ.
«Meıýezerdiń Golovkınge qarsy aıqasy qyzyqtyraq bolar edi. Biraq ol Golovkınnen qorqady, sosyn da odan qashqaqtaıdy. Alaıda, odan basqa da oǵan barynsha kedergi keltire alatyn jas orta salmaqtaǵy boksshylar jeterlik», - dedi ol.
Aıta keteıik, Meıýezer-Berto jekpe-jegi LasVegasta (AQSh) osy senbide ótedi, dep jazady Sports.kz.
