Laplandııa turǵyndary meteorıttiń qalaı qulaǵanyn kórgen
ASTANA. QazAqparat - Laplandııa men Soltústik Norvegııa turǵyndary beısenbi kúni keshkisin aspannan meteorıttiń qulaýyn baqylady. Bul jaıly fın jedel qyzmetiniń ókili Maýrı Sanıola málim etti, dep habarlaıdy Yle telearnasy.
Beısenbi kúni keshkisin aspannan tómenge qaraı óte tez jyldamdyqta quldılap, Jermen janasqannan keıin jarqyraǵan jaryqqa aınalǵan otty shar baıqalǵan. Kýágerlerdiń aıtýynsha, otty shardyń ushýy shamamen bes-jeti sekýndqa sozylǵan.
«Shar joǵalyp ketkennen keıin, qatty dybys estilip, tipti úılerdiń terbelgeni baıqaldy», - dedi Sanıola.
Fın telegraftyq bıýrosynyń málimetinshe, oqıǵadan keıin qutqarý qyzmetine tolassyz qońyraýlar shalynǵan.
Qazirgi ýaqytta Laplandııa ústinen meteorıt ushyp, belgisiz orynǵa qulady degen tujyrym jasalyp otyr.
