Laostyń soltústiginde 7 adamdy opyryla qulaǵan topyraq basyp qaldy
SIANGKHÝANG. QazAqparat – Laostyń soltústik-shyǵysyndaǵy Sıangkhýang provıntsııasynda altyn izdeýshiler burǵylaý jumystaryn júrgizip jatqan. Kenetten topyraq opyryla qulap, jeti adamdy basyp qalǵan, dep habarlaıdy QazAqparat Vientiane Times gazetine silteme jasap.
Laostyń Aqparat, mádenıet jáne týrızm mınıstrligi ókiliniń málimdeýinshe, qaıǵyly oqıǵa Phýkýt aýdanynyń Choı aýylynda 10 metr tereńdikte jeti adam burǵylaý jumystaryn júrgizip jatqan kezde oryn alǵan.
Onyń aıtýynsha, bul óńirde birneshe kún tolassyz jańbyr jaýyp, saldarynan topyraq jumsarǵan.
Sıangkhýang provıntsııasynda izdeý jáne qutqarý jumystary jalǵasýda.
