Laosta joǵary shendi áskerıler delegatsııasy mingen ushaq apatqa ushyrady
ASTANA. QazAqparat - Laostyń joǵary áskerı qyzmetiniń ushaǵy eldiń soltústiginde apatqa ushyrady. Onyń ishinde joǵary shendi áskerı basshylar bolǵan, dep habarlady Laostyń qorǵanys mınıstrliginiń aqparatyna silteme jasaǵan Rosbalt.
Áýe kemesiniń bortynda 14 adam bolǵan, sonyń ishinde eldiń qorǵanys mınıstri men onyń zaıyby, qoǵamdyq qaýipsizdik mınıstri men Ventıan meri bar. Delegatsııa Laostyń halyq armııasynyń ekinshi dıvızııasynyń mereıtoıyn toılaýǵa bara jatqan. Ushaq Sıeng Kýang provıntsııasynyń portyna tórt shaqyrym jetpeı apatqa ushyraǵan.
Qaıǵyly oqıǵaǵa baılanysty, ekinshi dıvızııanyń 55 jyldyǵyn merekeleýge arnalǵan barlyq saltanatty sharalar, sonyń ishinde áskerı sherý toqtatyldy. Apat ornynan 9 adamnyń máıiti tabyldy.
