Laosta GES dambasy buzylyp, júzdegen adam iz-túzsiz joǵaldy
LAOS. QazAqparat - Laostyń Attope provıntsııasynda Gıdro elektr stansysy bógetiniń buzylýy saldarynan birneshe adam qaza taýyp, júzdegeni iz-túzsiz joǵaldy. Bul týraly seısenbi kúni jergilikti BAQ-tarǵa silteme jasap Sınhýa agenttigi habarlady.
Tótenshe jaǵdaı Laos astanasy Ventıana qalasynan 570 shaqyrym jerdegi Attope provıntsııasynda boldy. Dúısenbi kúni saǵat 20.00-de gıdroenergetıkalyq damba buzylyp, 5 mlrd tekshe metr sý bútin bir aýdandy shaıyp ketti. Saldarynan birneshe adam ajal qushty. Júzdegen adam iz-túzsiz joǵaldy.
Laos premer-mınıstriniń keńsesi seısenbi kúni jarııalaǵan qujatta málim etilgendeı, zardap shekken aýdanda tótenshe jaǵdaı jarııalanyp, barlyq qoǵamǵa gýmanıtarlyq kómek kórsetý operatsııalaryna belsendi qatysýǵa úndeý tastaldy.
GES-ti Koreıa, Laos jáne Taıland Respýblıkalarynyń kásiporyndarynan quralǵan konsortsıým salyp jatyr. Qurylystyń qarjysy negizinen ońtústikkoreıalyq kapıtal esebinen qamtamasyz etilgen. Onyń jalpy qýaty 410 myń kılovatt bolmaq. Qurylys jumystary 2013 jyly bastalǵan. GES-ty 2018 jyly iske qosý josparlanǵan edi.
Foto: vesti.ru
