Lańkestikke qarsy alǵashqy qazaqstandyq rolık efırge jol tartty
ASTANA. 9 sáýir. QazAqparat - «Qoryqpaıtyn eshkim joq, qorqyta almaıtyndar bar». Dál osyndaı uranmen lańkestikke qarsy baǵyttalǵan áleýmettik rolık «Qazaqstan» telearnasynyń efırinen kórsetile bastady.
Bul 2011 jyldyń qarashasynda Taraz qalasynda oryn alǵan qaıǵyly oqıǵanyń kóshirme obrazy.
Ótken jyly oryn alǵan oqıǵa «terakt», «lańkestik» syndy túsinikterdiń tek qana halyqaralyq jańalyqtar ǵana bolýdan qalyp, ókinishke oraı bizdiń qoǵam úshin de ózekti jaıtqa aınalyp otyrǵandyǵyn kórsetti. Kóptegen sarapshylardyń paıymynsha, 2014 jyly Aýǵanstannan amerıkandyq ásker shyǵarylǵannan keıin Orta Azııa elderi úshin lańkestik qateri kúsheıe túspek.
Qazaqstanda lakestikpen kúreste tek qana kúsh qoldaný ádisterine ǵana júginbeı keshendi sharalarǵa bet burý qajet dep sanaıtyn elimizdiń iri bıznes ókilderi lańkestikke qarsy áleýmettik kompanııalardyń bastamashysy boldy. Máselen, «BAUR Kazakhstan» kompanııasy qoǵamdy, onyń ishinde birinshi kezekte jastardy otanshyldyq baǵytta tárbıeleýge baǵyttalǵan alǵashqy áleýmettik baǵdarlamany ázirledi. Aıta keterligi, lańkestikke qarsy baǵyttalǵan bul rolık atalǵan kompanııanyń qoǵamdy biriktirýge baǵyttalǵan keń aýqymdy áleýmettik naýqanynyń birinshi kezeńi ǵana.
