Lańkestik pen ekstremızmdi nasıhattaýǵa tıym salý erejesin buzatyn saıt materıaldaryn qaraýǵa shekteý qoıyldy
ASTANA. 7 maýsym. QazAqparat - Sońǵy kezderi dinı lańkestik pen ekstremızm jasaýǵa, sonyń ishinde ózge dindegi adamǵa qatysty zorlyq jasaýǵa ıtermeleıtin aqparattyq matrıaldardy ǵalamtor jelisine taratý oqıǵalary jıilep ketti,
dep habarlaıdy QR Bas prokýratýrasynyń baspasóz qyzmeti.
Osyǵan baılanysty Qazaqstan Respýblıkasynyń quqyq qorǵaý organdary osyndaı is-qımyldardyń aldyn alý men lańkestik jáne ekstremıstik oılardy taratýǵa kedergi jasaý jumystaryn ońtaılandyrýdy qolǵa aldy.
Atap aıtqanda, ǵalamtor keńistigine júrgizilgen saraptama QR Konstıtýtsııasynyń 20 baby, 3 tarmaǵy jáne «Buqaralyq aqparat quraldary týraly» Zańynyń 2 baby, 3 tarmaǵymen bekitilgen lańkestik pen ekstremızmdi aqtaý jáne nasıhattaýǵa tıym salý erejesine saı kelmeıtin mazmundaǵy 15 sheteldik saıtty anyqtady.
Ýákiletti memlekettik organdar qazaqstandyq tutynýshylardyń osyndaı saıt materıaldaryn oqýyna shekteý qoıdy.
