Lańkestik oqıǵadan keıin jabylǵan Brıýssel áýejaıy óz jumysyn 30 naýryzda bastaıdy
ASTANA. QazAqparat - Brıýsselde 22 naýryz kúni lańkestik áreket oryn alǵannan keıin jabylǵan áýejaı óz jumysyn 30 naýryzda bastaıdy, al 29 naýryzda jarylystardan keıin salynǵan ýaqytsha qurylystardy tekserý jumystary ótedi, dep habarlaıdy TASS.
Bul týraly jeksenbi kúni áýe aılaǵynyń ákimshiligi habarlady.
«Ǵımarat jáne ýaqytsha qurylystyń ınspektsııasy seısenbi, 29 naýryz kúni ótkiziledi. Áýejaıda kólemdi tekserister ótip, sonyń barysynda onyń 800-ge jýyq qyzmetkeri «qalpyna keltirilgen ushý zalynda reıske tirkeýden ótedi», - delingen habarlamada. Onda, sondaı-aq, sońǵy kúnderi ákimshilik termınal ınfraqurylymynyń jaǵdaıyn baǵalap, qalpyna keltirý jumystarynyń túrli stsenarıılerin taldaý ótkeni atap ótiledi.
Áýejaı lańkestik áreketterden keıin evakýatsııalaý saldarynan qalyp qoıǵan 100 myń birlik júkti jiberý nemese qolǵa berýge isine kiristi. Áýejaıdyń ákimshiligi ondaǵy segiz parkıngte qaldyrylǵan kólikterdi ıelerine qaıtara bastady. Lańkestik oqıǵalardan keıin onda 6 myńǵa jýyq kólik qalǵan.
22 naýryz kúni tańerteń Brıýsseldiń áýejaıynda eki jarylys jáne eýrokvartaldaǵy «Maelbek» metrosynyń stansasynda taǵy bir jarylys boldy. Sońǵy resmı málimetter boıynsha, oqıǵa saldarynan 31 adam qaza taýyp, 340 adam zardap shekti. Olardyń arasynda 40 memlekettiń azamattary bar.
Foto:© EPA/LAURENT DUBRULE
