Lańkestik qater tóndirýshi elderdiń tizimine Qazaqstannyń engizilýi týraly aqparatqa qatysty QR Syrtqy ister mınıstrliginiń túsindirmesi
ASTANA. 21 shilde. QazAqparat - QazAqparat lańkestik qater tóndirýshi elderdiń tizimine Qazaqstannyń engizilýi týraly aqparatqa qatysty QR Syrtqy ister mınıstrliginiń baspasóz hatshysy Іlııas Omarovtyń túsindirmesin nazarlaryńyzǵa usynady.
«AQSh-tyń Ulttyq qaýipsizdik mınıstrligi Qazaqstandy «lańkestik uıymdar qurý nemese olardyń ókilderin qorǵaý jáne lańkestiktiń damý úrdisin baıqatyp otyrǵan elderdiń» tizimine qosqany týraly aqparatqa qatysty biz túsinbeýshilik jáne úlken alańdaýshylyq bildiremiz. Atalǵan elderdiń tizimi qandaı kórsetkishter boıynsha jasalǵanyn bilgimiz keledi. 20 jyl buryn táýelsizdik alǵaly beri Qazaqstan jahandyq qaýipsizdikti nyǵaıtýǵa aıtýly jáne birizdi úles qosyp keledi, halyqaralyq lańkestikke qarsy kúresýdiń tıimdigi tetigin qurýdy qosa aıtqanda.
Qalyptasqan jaǵdaı Qazaqstan Respýblıkasy men Amerıka Qurama Shtattarynyń arasyndaǵy strategııalyq seriktestik rýhyna túbegeıli qaıshy keledi. Biz amerıkandyq seriktesterimizden qalyptasqan jaǵdaıdy dereý túzetý jónindegi sharalardy kútemiz.
Taǵy bir aıta ketetin jaıt. Bul kúnderi Vashıngtonda ótken qazaqstan-amerıkan konsýldyq konsýltatsııalarynyń aıasynda QR SІM jaýapty hatshysy Rápil Joshybaev AQSh Memlekettik departamentiniń birqatar joǵary laýazymdy ókilderimen kezdesýler ótkizip, osy másele boıynsha Qazaqstannyń ustanymyn AQSh resmı bıliginiń quzyryna jetkizdi», - dep málim etti QR SІM baspasóz hatshysy.
