Lańkestik áreketten japa shekkenderdiń otbasylaryna materıaldyq kómek berildi
ASTANA. 3 qańtar. QazAqparat - Volgogradtaǵy lańkestik áreketten qaza tapqandar men jaraqat alǵandardyń otbasylaryna materıaldyq kómek berildi. Bul týraly Tótenshe jaǵdaılar mınıstrliginiń selektorlyq jıynynda Volgograd oblysy gýbernatorynyń orynbasary Vasılıı Galýshkın málimdedi, dep habarlaıdy RIA «Novostı».
«Volgogradtaǵy lańkestik áreketten qaza tapqandar men jaraqat alǵandardyń otbasylaryna ótemaqy tóleý jalǵasýda. Barlyq ótemaqy 10 qańtarǵa deıin tólenedi», - dedi Galýshkın. Onyń aıtýynsha, ótemaqy federaldyq jáne oblystyq bıýdjetten bólingen.
Esterińizge sala keteıik, 2013 jyldyń 29 jáne 30 jeltoqsanynda Volgogradta temirjol vokzaly men trolleıbýsta bolǵan jarylys 34 adamnyń ómirin qıdy, 70 shaqty adam jaraqat aldy.
