Lańkestik áreketke qatysy bar kúdikti Grekııadan Qazaqstanǵa jetkizildi
ASTANA. QazAqparat - 2 qazan kúni Qazaqstan Respýblıkasy Ulttyq qaýipsizdik komıteti men Bas prokýratýra qyzmetkerleri Dastan Haısındi Gretsııanyń Afına qalasynan Astanaǵa jetkizdi, dep habarlaıdy QazAqparat.
«Dastan Haısın - Qaraǵandynyń týmasy. Ol 2015 jyldan bastap Sırııa aýmaǵynda terrorıstik áreketke qatysqany úshin halyqaralyq izdeýde júrgen» delingen UQK taratqan habarlamada.
Haısındi quryqtaý jáne keıinnen ekstradıtsııalaý qazaqstandyq arnaıy qyzmetter men prokýratýra organdarynyń Qazaqstannyń Gretsııadaǵy Elshiliginiń qoldaýymen júzege asyryldy. Gretsııalyq seriktestermen birge júrgizilgen jumys nátıjesinde halyqaralyq izdeýdegi kúdikti qolǵa tústi.
Búginde D.Haısın qamaýda otyr. Tergeý sharalary júrgizilip jatyr.
