Lańkestik áreket Túrkııany Irak munaıynsyz qaldyrdy
ASTANA. Tamyzdyń 11-i. QazAqparat - Seısendi kúni keshke Túrkııanyń ońtústik-shyǵysynda Kırkýk-Jeıhan munaı qubyry jaryp jiberildi. Iraktan Túrkııaǵa munaı jetkiziletin qubyrdyń jumysy qazir ýaqytsha toqtap tur, dep habarlady RBK agenttigi.
Jarylys saldarynan eki adam qaza tapty, taǵy bir adam jaralandy. Jergilikti buqaralyq aqparat quraldarynyń habarlaýynsha, qaza tapqandar qubyrǵa jaqyn mańnan ótip bara jatqan kezde, jarylǵan munaı qubyrynan shyqqan jalyn kólikke tıip ketken, nátıjesinde adamdar qurban bolǵan.
Túrik ókimeti bul lańkestik áreket úshin Kúrd jumysshylar partııasyn aıyptap otyr. Túriktiń quqyq qorǵaý organdary qazir lańkesterdi izdestirýde, al órt sóndirý qyzmetteri jalyndy aýyzdyqtaýda.
Kırkýk-Jeıhan qubyry - Kırkýk kenishi men Túriktiń Jeıhan qalasynda ornalasqan munaı quıý aılaǵyn baılanystyratyn iri magıstral bolyp tabylady.
