Lańkestik áreket týraly jalǵan aqparat taratý oqıǵasy azaıdy -ІІM
«Sońǵy jyldary qabyldanǵan sharalardyń nátıjesinde lańkestik áreket týraly jalǵan aqparattar taratý qylmysy aıtarlyqtaı azaıdy. Qazirgi ýaqytta polıtsııa qyzmetkerleri bul baǵytta jetkilikti tájirıbe jınaqtaǵan, sondaı-aq osyndaı qylmystardy der kezinde ashýǵa múmkindik beretin jańa tehnıkalyq quraldarmen jabdyqtalǵan», - dedi mınıstrlik ókili.
Onyń aıtýynsha, mundaı qylmystar negizinen buzaqylyq nemese paıdakúnemdiktiń saldarynan oryn alady.
«Jalǵan aqparat taratqandarǵa zań boıynsha 5 jylǵa deıin bas bostandyǵynan aıyrý jazasy qarastyrylǵan. Qaýip-qaterler týraly jalǵan aqparat qalypty ómir yrǵaǵyn buzyp, tótenshe jaǵdaı týdyrady. Quqyq qorǵaý organdary habarlamany tekserý úshin arnaıy kúsh-quraldaryn jumyldyratynyn aıtyp ótken jón. Al bul óz kezeginde olardy negizgi qyzmetterinen alańdatady. Sol sebepten atalǵan qylmys túrine qatań jaza qarastyrylǵan», - deıdi A.Sadýbaev.
QR ІІM resmı ókiliniń deregine súıensek, sońǵy 5 jylda telefon lańkestigine baılanysty 258 adam qylmystyq jaýapkershilikke tartylǵan.
