Lańkestermen kúresý úshin pavlodarlyq polıtseıler qyzmettik ıtterge ekshn-kamerasyn ornatpaq
ASTANA. QazAqparat - Pavlodarlyq polıtseıler arnaıy beınekamera men kronshteın satyp alǵan. Qazirgi tańda olar bul qurylǵy qandaı qyzmettik ıtke laıyq ekenin anyqtaýda, dep habarlaıdy pavlodarnews.kz.
Agenttiktiń joldaǵan resmı saýalhatyna Pavlodar oblysy ІІD tómendegideı jaýap usynyp otyr: - Arnaıy tehnıkamen jabdyqtalǵan polıtseılik ıt azamattardy lańkesterden qorǵap, izdeý operatsııalaryn júrgizedi. Bir EKShN-kamerany (beınekamera) satyp alýǵa 176 344 teńge jumsalady. Kamerany bekitýge arnalǵan kronshteınniń baǵasy 25 myń teńge jáne noýtbýk 217112 teńge turady, - dep jazylǵan ІІD-niń jaýabynda. Vedomstvonyń baspasóz qyzmetiniń málimetinshe, kınologııalyq qyzmet ortalyqta qazirgi tańda 20 qyzmettik ıt bar. Olardyń árqaısysynyń atqaratyn qyzmeti bólek. Máselen, bireýi joǵalǵan adamdardy izdese, ekinshisi esirtki men jarylǵysh zattardy anyqtaıdy.
