Lańkesterge qarsy turýdan bas tartqany úshin 100 myńnan astam áskerı qyzmetker jumystarynan bosatyldy
ASTANA. QazAqparat - Irakta 100 myńnan astam áskerı qyzmetker DAISh lańkestik uıymymen soǵysýdan bas tartqany úshin qyzmetinen ketti.
rt.com málimeti boıynsha, mundaı jaǵdaıdyń qalyptasýy 2014 jyldyń alǵashqy aılarynan bastalǵan, dep jazady egemen.kz.
«DAISh sodyrlaryna qarsy turýdan bas tartqany úshin 106 myń sarbazdyń kelisimsharty qorǵanys mınıstrliginiń sheshimimen ýaqytynan buryn aıaqtaldy», - dedi mınıstr Haled al-Obeıdı. Ol sondaı-aq, bul jaǵdaıdyń negizinen Irak áskeri quramynda 2014 jyldyń basynan qyzmet ete bastaǵandarǵa qatysty ekenin aıtty. Alaıda, qyzmetten bosatý bir mezgilde júzege asty ma, álde birneshe aıǵa sozyldy ma, ol jaǵynan naqty málimet bermedi.
DAISh lańkestik uıymy Irakta 2014 jyly kóktemniń sońy men jazdyń basynda belsendi shabýyl jasaı bastady. Ekstremıster óziniń astanasy dep esepteıtin, kólemi jaǵynan ekinshi iri qala - Mosýl is júzinde qarsylyqsyz berildi. El bıligi, bul strategııalyq mańyzdy qala, sondyqtan birinshi kezekte Mosýldy azat etý kerek dep esepteıdi.
