Lańkesterden qaýiptengen Pakıao januıasynyń kúzetin kúsheıtti

Bul týraly 28 sáýirde boksshynyń ózi habarlady, dep jazdy Lenta.ru Times LIVE-ke silteme jasap.

Fılıppın prezıdenti Benıgno Akıno «Abý-Saııaf» tobynyń lańkesteri Mennı Pakıao nemese onyń balalarynyń birin urlamaq bolǵanyn málim etti.

«Prezıdenttiń málimdemesin estigen soń mazam ketti. Fılıppınderdiń barlyǵyn dosym dep eseptegendikten, tańdanyp otyrmyn. Barlyǵyna, ásirese, musylmandarǵa degen qarym-qatynasym jaqsy. Osy habarlamadan soń januıamnyń kúzetin kúsheıttim», - dedi Pakıao.

10 sáýirde Pakıao sporttyq jolyndaǵy sońǵy jekpe-jeginde amerıkalyq Tımotı Bredlıdi súrindirdi.

37 jastaǵy boksshy 58 ret jeńiske jetip (38 nokaýtpen), alty ret jeńildi jáne eki ret qarsylasymen teń tústi.

Qazir Pakıao Fılıppın senatyna kandıdatýrasyn usynǵan, saılaý mamyr aıynda ótedi.