Lańkester Iemendegi brıtandyq dıplomatııalyq mıssııaǵa shabýyl jasady
ASTANA. Qazannyń 6-sy. QazAqparat - Búgin tańerteń Iemenniń astanasy Sanadaǵy brıtandyq dıplomatııalyq mıssııa ǵımaratynyń janynda jarylys boldy.
Associated Press agenttigi eldiń bılik organdaryna silteme jasap, keltirip otyrǵan málimetterine súıensek, brıtandyq elshilik janynda bolǵan jarylys kezinde úsh adam túrli dene jaraqattaryn aldy. Oqıǵanyń jáı-japsary áli habarlanǵan joq . Qazirgi kúni tek jarylystyń elshilik qyzmetkerleri mingen avtokolonna ótip bara jatqanda oryn alǵany ǵana belgili.
Aldyn ala málimet boıynsha, dıplomattardyń eshbiri zardap shekken joq.
Ulybrıtanııa SІM habarlaǵandaı, lańkester elshilik ǵımaratynyń janynda jarylǵysh zat qoıylǵan kólikti jaryp jiberdi. Biraq brıtandyq arnaıy qyzmetter shabýyldyń bolatynynan habardar bolyp, Iemen bılik organdaryn habarlap, qaýipsizdik sharalaryn qolǵa alǵan bolatyn.
Eske sala keteıik, 2008 jylǵy qyrkúıek aıyndaǵy lańkesterdiń Sanadaǵy AQSh elshiligine shabýyly kezinde 16 adam qaza tapqan edi.
