Lańkester Ulybrıtanııa premerine shabýyl jasamaq bolǵan
ASTANA. QazAqparat - Ulybrıtanııanyń qaýipsizdik qyzmeti Birikken Koroldiktiń premer-mınıstri Tereza Meıdiń ómirine qastandyq uıymdastyrmaqshy bolǵan eki azamatty ustady, dep habarlaıdy TASS.
Bul jaıly 6 jeltoqsan kúni MI-5 brıtandyq kontrbarlaý qyzmetiniń basshysy Endrıý Parkerge silteme jasap The Independent málim etken.
Parker aldy alynǵan shabýyl jóninde 4 jeltoqsan kúni mınıstrler kabınetine bergen baıandamasynda aıtqan. Ótken aptada London men Bırmıngemde lańkestikke qarsy reıd barysynda eki azamat ustalyp, olarǵa terrorızmge qatysty aıyptar taǵyldy. Kúdiktiler Daýnıng-strıtte ornalasqan brıtan úkimeti basshysynyń keńsesiniń kireberisine jarylǵysh zattar ornatyp, keıin Meıge pyshaqpen shabýyldaýdy josparlaǵan. Ustalǵandar 6 jeltoqsan kúni sot aldynda jaýap beretin bolady.
MI-5 basshysy sondaı-aq, mınıstrlerge aǵymdaǵy jyly toǵyz lańkestik shabýyldyń aldyn alýǵa múmkin bolǵanyn jetkizdi.
