Lańkester toby Pákistandaǵy ýnıversıtetti basyp aldy
ASTANA. QazAqparat - Qarýly sodyrlar toby Pákistandaǵy ýnıversıtetti basyp aldy. Lańkester joǵary oqý ornynyń ǵımaratyna kirip, stýdentterge oq jaýdyrǵan jáne birneshe jarylys uıymdastyrǵan. Aqparat kózderi kóptegen adamdar qaza tapty dep habarlady.
Bacha Han ýnıversıtetine 3-8 sodyr shabýyl jasaǵan, dep habarlady pákistandyq Dawn basylymy. Qarýly top ýnıversıtettiń kire berisinde kúzetshilerdi jaralap, ǵımaratty basyp alǵan. Onda 600-den astam adam bolýy múmkin, dep jazady Geo Urdu basylymy.
Ýnıversıtetten qashqan stýdent lańkester onyń kózinshe 60 adamdy basynan atyp óltirgenin habarlady.
Oqıǵa ornyna jedel járdem men arnaıy qyzmet jasaǵy keldi. Olar stýdentterdi qaýipsiz jerge shyǵarýǵa árekettenip jatyr. Lańkesterdi qarýsyzdandyrý úshin áskerıler de oqıǵa ornyna tartyldy. Bir saǵattan keıin olar shabýyl jasaǵan eki lańkestiń kózin joıdy.
