Lańkester raqymshylyq pen merziminen buryn shartty túrde bosatý quqyqtaryna ıe bola almaıdy
ASTANA. QazAqparat - Lańkester raqymshylyq pen merziminen buryn shartty túrde bosatý quqyqtaryna ıe bola almaıdy. Bul týraly búgin elorda ákimdiginde ótken Qylmystyq kodekstiń jańa baptaryn túsindirýge baǵyttalǵan semınarda Astana qalasy Ishki ister departamenti basshysynyń orynbasary Sanjar Ádilov málim etti.
"Lańkestik jáne ekstremıstik qylmystar úshin jaýapkershilik qatańdatylǵan. Olar boıynsha raqymshylyq, merziminen buryn shartty túrde bosatý, jaýapkershilikti jeńildetý quqyqtary qoldanylmaıdy, kerisinshe ol qylmystarǵa jaýapkershilik qatańdatyldy", - dedi ol.
Sonymen qatar qylmystyq istiń merzimdik shektelýi de bolmaıdy.
Eske sala keteıik, Qylmystyq kodekstiń jańa redaktsııasy 2015 jyldyń 1 qańtarynda kúshine engen bolatyn.
