Lańkester Parıjden keıin Rım qalasynda terrorlyq áreket jasaýy múmkin - BAQ
ASTANA. QazAqparat - «Bild am Sonntag» gazeti Parıjdegi qarýly qaqtyǵystan keıin birqatar Eýropa astanalarynda lańkestik áreketter qaıtalanýy múmkin ekendigin habarlady. Nemis basylymy amerıkalyq arnaıy barlaý qyzmetiniń aqparatyn keltirgen, dep jazady «Nemis tolqyny» aqparttyq agenttigi.
«Frantsııada bolǵan qarýly shabýyl Eýropada jahandyq lańkestik soǵystyń órshýine sebep bolýy múmkin. Bul týraly 11 qańtar kúni amerıkalyq arnaıy barlaý qyzmet aqparatyna silteme jasap, nemistiń Bild am Sonntag gazeti jazdy», deıdi derekkóz.
Basylym derekterine súıensek, AQSh ulttyq qaýipsizdik agenttigi Parıjdegi lańkestikten keıin «Islam memleketi» ekstremıstik uıymy jetekshileriniń telefondaryn, kelissózderin tyńdaǵan. Jıhadshylar kelissózde Eýropanyń iri qalalarynda terrorlyq akti bastaıtyny jaıly aıtqan.
«Bild am Sonntag» basylymynyń jazýynsha, AQSh barlaýshylary ıslam atyn jamylǵan toptyń sózderine tyń-tyńdaý barysynda kelesi terrorlyq akti Rım qalasynda uıymdastyrylmaq ekenin bilgen.
