Lańkester Palmırany qaıta basyp aldy
ASTANA. QazAqparat - «Irak pen Levant lańkestik toby» Sırııanyń kóne qalasy Palmırany qaıta basyp aldy. Bul týraly «Reıter» aqparat agenttigine siltememen «Habar 24» habarlaıdy.
Shabýylǵa 4 myńǵa jýyq sodyr qatysqan. Olarǵa kómekke kórshiles provıntsııadan brondy tehnıka da jetkizilgen. Saldarynan áskerıler keri sheginýge májbúr boldy.
Aıta ketken jón, «Irak pen Levant lańkestik toby» Palmırany ótken jyly basyp alǵan. Al, bıyl naýryzda qala azat etilgen edi.
Nebári bir jyl ishinde ekstremıster munda ıÝNESKO-nyń dúnıejúzilik muralar tizimine kiretin jádigerlerdiń birazyn kúl-talqan etken. Al, 8 jeltoqsanda lańkester Palmıraǵa qaıta shabýyl jasap, birneshe eldi mekendi, sonymen qatar munaı jáne gaz ken oryndarynyń bir bóligin basyp aldy.
