Lańkester «Evrovıdenıe-2012» kezinde adamdarǵa shabýyl jasaýǵa ýáde etýde
ASTANA. 11 mamyr. QazAqparat - Belgisiz radıkaldy ıslamdyq lańkestik uıymnyń Múslim atty ókili ǵalamtorda Bakýde 22-26 mamyr aralyǵynda ótetin ataqty «Evrovıdenıe-2012» mýzykalyq baıqaýynda lańkestik áreket jasalady degen málimdeme
jarııalady, dep habarlaıdy Ýtro.rý saıty.
Saıt málimetinshe, lańkes «Evrovıdenıe -2012» -ge qatysý úshin «musylmandardyń qany tógilgen» jerge kelip, ózderiniń «oılaryna kelgenin» isteıtin «arsyzdar men gomoseksýaldar» beınesindegi «shaıtan kúshine» shabýyl jasaýǵa ýáde berdi.
«Mundaı adamdarǵa biz shabýyl jasaımyz jáne olardy osy jazadan eshnárse qutqara almaıdy», - depti lańkes.
