Lańkester áıelder men balalardy tirideı kómgen
ASTANA. QazAqparat - Irakta lańkester 500-deı kúrdti óltirdi. Bul týraly Reuters aqparat agenttigine siltememen 24.kz habarlap otyr.
Sodyrlardyń áıelder men balalardy tirideı kómgeni jaıly aıǵaq tabylǵan. Iraktyń bılik ókilderi qurbandardyń kómilgen jerin anyqtady. Alaıda osynshama adamnyń qaı kezde qaza bolǵany aıtylmaı otyr.
Aıta keteıik, Irakta maýsym aıynyń basynda Sırııada áreket etip kelgen lańkester «Islam memleketi» uıymyn qurǵany belgili. Sodyrlar eldiń batys jáne soltústik aýmaǵyn basyp aldy, olarǵa jergilikti shaǵyn toptar qosylǵan. Keıin lańkester kúsheıip, óz baqylaýlaryndaǵy aýmaqtardy «Islam halıfaty» dep jarııalady.
