Lańkes Saýd Arabııasyndaǵy meshitte oq atyp, bes adamnyń ómirin qıdy
ÁBÝ-DABI. QazAqparat - Saýd Arabııasy meshitindegi atys kezinde kem degende bes adam ajal qushty.
Oqys oqıǵa juma kúni, apta saıynǵy Saýd Arabııasynyń shyǵys provıntsııasyndaǵy Saıhat qalasyndaǵy shıittik meshittegi juma namazy kezinde oryn aldy.
Alty adam jaraqattanǵan shabýyldan keıin polıtsııa lańkes pen onyń eki sybaılasyna oq atty. Ázirge qarýlanǵan qylmysker dinı ortalyqqa taksımen kelip, avtomattan oq ata bastaǵany ǵana belgili.
Bul Saýd Arabııasyndaǵy shıitterdiń meshitine jasalǵan alǵashqy shabýyl emes. Aǵymdaǵy jyldyń tamyzynda koroldiktiń qarýly kúshteriniń áskerı bólimi mańyndaǵy meshitte lańkes bomba jarǵan. Onyń saldarynan 15 áskerı qaza tapty.
Mamyr aıynda taǵy bir lańkes shyǵys provıntsııadaǵy Al-Kadıh aýylyndaǵy meshitke juma namazy ýaqytynda baryp, qylmys jasady. Onda 21 adam qaza taýyp, 80-nen astamy jaraqattandy.
Lańkkestik aktilerge qatysty jaýapkershilikti «Islam memleketi» ekstremıstik uıymy óz moınyna aldy.
