Lańkes A.Breıvık 21 jylǵa sottaldy
ASTANA. 24 tamyz. QazAqparat - Búgin Norvegııanyń Oslo qalasynda atyshýly lańkes Anders Breıvıktiń qylmystyq isi boıynsha sot sheshimi shyǵaryldy. 77 adamdy qyryp tastaǵan A.Breıvık 21 jylǵa sottaldy.
Lańkesti Norvegııanyń Ila túrmesinde ustaıtyn boldy. Bul jerde ol tergeý bastalǵaly beri otyr. Al qamaý merzimi aıaqtalǵannan keıin A.Breıvık áli de qoǵam úshin qaýipti dep tanylsa, sot túrme ýaqytyn taǵy da uzartýy múmkin.
2011 jyly shildeniń 22-si kúni A.Breıvık, eń birinshi Oslo qalasynyń ortalyǵynda jarylys uıymdastyrdy. Sonyń salarynan 8 adam qaza tapty. Osydan keıin Ýteııa aralynda ornalasqan Norvegııanyń jumys partııasynyń jastar lagerine baryp, 69 adamǵa oq atyp, bárin jaıratyp tastady.
