Langkavı týry kezeńi: «Astana» veloshabandozy jeńiske jetti
ASTANA. QazAqparat - Malaızııada ótip jatqan Langkavı týrynda «Astana» veloshabandozy Rıkkardo Mınalı kásipqoı mansabyndaǵy alǵashqy jeńisine qol jetkizdi, dep habarlaıdy QazAqparat velokomanda saıtyna silteme jasap.
«Astananyń» jas sprınteri birinshi sanattaǵy taý bókterin eńsere otyryp, 208,3 shaqyrymǵa sozylǵan kúrdeli kezeńniń sońyn ádemi aıaqtaldy.
Taý bókterinen ótý kezinde jarys kóshbasshysy ıtalııalyq Andrea Gýardını qarsylastarynan qalyp qoıdy. Osylaısha, Mınalı sary jeıdege ıe bolyp, jarystyń jańa kóshbasshysy atandy. Sondaı-aq ol upaı sandary boıynsha da alǵashqy orynnan kórindi.
Jaqsy nátıjeni sondaı-aq qazaqstandyq jas veloshabandoz Evgenıı Gıdıch kórsetti. Ol tórtinshi bolyp kelip, bas kvalıfıkatsııada alty orynǵa kóterildi.
Malaızııa týrynyń alda taǵy alty kezeńi bar.
