Land Rover kapottyń astyndaǵy joldy kórsetetin tehnologııany qurdy
ASTANA. QazAqparat - Jaguar Land Rover kóliginde beıne kameralar men proektsııalyq dıspleıdiń arqasynda júrgizýshiler kapottyń astyndaǵy joldy anyq kóre alatyn boly.
Jańa tehnologııa Nıý-Iorktegi motorshoý kezinde tanystyrylýy múmkin jáne jańadan shyǵarylatyn Discovery kólikterinde iske qosylady dep kútilýde. Jaguar Land Rover kompanııasy kapot astyndaǵy keńistikti proektsııalaý tehnologııasyn mańdaı terezege shyǵardy. «Móldir kapot» degen ataýǵa ıe bolǵan bul jańashyldyq qozǵalys kezinde joltabandaǵy kórinisti dálme-dál rejimde kórsetip, oıly-qyrly, taýly jerlerde avtokóliktiń bultarystaryn jeńildetpek. Sonymen birge proektsııalyq ekranǵa kóliktiń jyldamdyǵy, dóńgelekterdiń jaǵdaıy jáne basqa da paıdaly málimetter beınelenedi. Osyndaı sońǵy býyndy tehnologııalar qaı ýaqyttan bastap serııalyq mashınalarda jabdyqtalatyny jaıynda óndirýshi ázirge habarlamaı otyr. Mańdaı terezege bekitiletin poektsııalyq dıspleı Mazda 3, Peugeot 3008 krossoverinde, Peugeot 508 sedanynda, BMW-nyń keıbir modelderinde paıdalanylýda.
