Lahordaǵy joıqyn jarylystan qaza tapqandar sany 65 adamǵa jetti - Pákistan
ASTANA. QazAqparat - Pákistannyń Lahor qalasyndaǵy teraktiden 65 adam qaza tapty, 300-ge jýyq adam jaraqat aldy. Bul týraly Reıter agenttigi jergilikti polıtsııaǵa silteme jasaı otyryp habarlady.
Polıtsııanyń málimetine sensek, jankeshti balalar saıabaǵynyń janynda jarylǵyshty iske qosqan, zardap shekkenderdiń arasynda áıelder men balalar kóp.
Oqıǵaǵa kýá bolǵandardyń aıtýyna qaraǵanda, dinı merekege baılanysty saıabaqta júrgen adamdar kóp bolǵan.
Jarylysty uıymdastyrýdy «Jamaat úl-Ahrar» lańkestik toby óz moınyna aldy, olar pákistandyq tálipter qozǵalysynyń quramyna kiredi.
