Lahordaǵy operatsııada polıtsııa Pákistannyń burynǵy premer-mınıstriniń 61 jaqtasyn ustady

ISLAMABAD. QazAqparat - Senbi kúni Pákistannyń Pendjab provıntsııasynyń polıtsııasy Lahordaǵy Pákistannyń burynǵy premer-mınıstri men oppozıtsııalyq «Ádilet qozǵalysy» partııasynyń tóraǵasy Imran Hannyń rezıdentsııasynyń aýmaǵynan partııanyń 61 belsendisin ustady, dep habarlaıdy QazAqparat TASS-qa silteme jasap.

«Lahorda Imran Hannyń rezıdentsııasynda 61 adam qamaýǵa alyndy», - dep habarlady Reuters provıntsııanyń polıtsııa basshysy Ýsman Anvarǵa silteme jasap.

18 naýryz kúni tańerteń polıtseıler rezıdentsııaǵa irgeles aýmaqta ornalasqan oppozıtsııalyq partııa jaqtastary qurǵan shatyrly qalashyqtardy joıýǵa kiristi. Oppozıtsııalyq partııa belsendileri atys qarýy men molotov kokteılderin qoldanyp, qarsylyq kórsete bastady.

Polıtsııa eks-premerdiń rezıdentsııasyna aparatyn qaqpany buzý úshin býldozerdi paıdalanǵany atap ótildi. Tártip saqshylary Hannyń úıiniń mańynda polıtsııaǵa qarsy paıdalanýǵa bolatyn qarajat pen materıaldardy izdep, keıin operatsııany aıaqtady.