«Laǵnet qobdıshasy» - AQSh kınosynyń jańa kóshbasshysy
ASTANA. 3 qyrkúıek. QazAqparat - 31 tamyz ben 2 qyrkúıek aralyǵyndaǵy aldyn ala málimetter boıynsha, amerıkan prokatynyń jańa kóshbasshysy «Laǵnet qobdıshasy» atty jańa mıstıkalyq shytyrman oqıǵaly trıller boldy, dep habarlady www.movie.ru saıty.
14 mıllıon AQSh dollary qarjysyna shyǵarylǵan bul fılm eldiń 2816 kınoteatrlarynda kórsetilip, úsh kúnniń ishinde 17,7 mln. dollar qarjy túsirdi. Ekinshi orynda «Álemdegi eń maskúnem okrýg» krımınaldyq dramasy, al «Aryndylar-2» fılmi úshinshi orynǵa yǵysty. Al derekti lentalardyń ishinen «2016: Obamanyń Amerıkasy» fılmi atalǵan merzimde 5,1 mln. dollar jınap, barlyǵy 18,2 mln. dollar qarjy quıdy.
