LA Times Golovkındi «bokstyń betke ustary» dep atady
ASTANA. QazAqparat - LATimes.com portaly qazirgi boksshylardyń reıtıngin jarııalady. Basylymnyń pikirinshe, Floıd Meıvezer men Mennı Pakıao ketkennen soń qazirgi úzdik sportshylardyń biri jańa «álemdiń bokstyń betke ustary» bolýy ábden múmkin, dep habarlaıdy Sports.kz.
Reıtıngtiń kósh basynda kele jatqan qazaqstandyq boksshy Gennadıı Golovkınniń boks juldyzy atanýyna múmkindik mol, dep esepteıdi LA Times jýrnalısteri.
Sondaı-aq úshtikke Roman Gonsales pen Sergeı Kovalev kirip otyr. Odan ári Andre Ýord, Vasılıı Lomachenko, Terens Kroýford, Saýl Alvares, Dannı Garsııa, Leo Santa Krýs jáne Deonteı Ýaılder ornalasty.
Golovkın kelesi aıqasyn 10 qyrkúıekte Londonda ótkizedi. Onyń qarsylasy - jartylaı orta salmaqtaǵy brıtandyq boksshy Kell Brýk.
