«La Skala» teatry kıim kııý erejesin qatańdatady

ASTANA. KAZINFORM — Ataqty «La Skala» opera teatry endi kórermenderdi shortpen, maıkamen jáne jeńil tápishkemen kirgizbeıdi.

— Bul qatal dress-kod emes. Galstýk taǵyp nemese keshki kóılek kıip kelý mindetti emes, alaıda teatr kireberisinde jáne kassada ornatylǵan taqtaıshalarda kórsetilgen eń tómengi talaptardy saqtaý qajet: maıka, short jáne jeńil tápishkege tyıym salynady, — dep jazady ıtalııalyq basylymdar.

Sonymen qatar, maıkaǵa tyıym salý áıelderdiń jeńsiz kóılek nemese blýzka kıip kelýine kedergi emes ekeni, al jeńil tápishkege shekteý japon týrısteriniń dástúrli aıaq kıimmen kelýine tyıym salmaıtyny atap ótilgen.

— Teatr dırektsııasy kórermenderden teatr etıketine saı kıim tańdaýdy suraıdy, bul — teatrǵa jáne basqa kórermenderge qurmet kórsetýdiń belgisi. Maıkamen nemese shortpen kelgen kórermender teatrǵa kirgizilmeıdi, mundaı jaǵdaıda bılet qaıtarylmaıdy, — delingen «La Skala» teatrynyń resmı saıtynda.

«La Skala» — álemdegi eń áıgili opera teatrlarynyń biri ári Mılan qalasynyń basty týrıstik nysandarynyń qatarynda. Teatr zaly shamamen eki myń kórermenge arnalǵan.

Buǵan deıin Italııa sahnasyndaǵy qazaq qyzy: Áıgerim Altynbek «La Skalada» óner kórsetetinin jazǵanbyz.