La-Manshtaǵy týnnelden velosıpedpen ótken brıtandyq rekord ornatty
ASTANA. QazAqparat - Brıtandyq kásibı veloshabandoz Krıs Frým La-Manshtyń astymen Ulybrıtanııadan Frantsııaǵa velosıpedpen jetken alǵashqy adam.
The Daily Telegraph basylymynyń elektrondy nusqasy habarlaǵandaı, sportshynyń aǵylshyndyq Folkstoýnnan frantsýzdyq Kale qalasyna deıingi Eýrotýnnel arqyly júrgen sapary shamamen 55 mınýtqa sozylǵan.
Bul kórsetkish poıyzdaǵy sapar ýaqytynan 35 mınýtqa artyq, al paromnan 90 mınýtqa jyldam. Al Frým saǵatyna 65 shaqyrym jyldamdyqty baǵyndyrǵan.
1994 jyly 6 mamyrda ashylǵan Eýrotýnneldiń uzyndyǵy 51 shaqyrymdy quraıdy. Onyń 39 shaqyrymy La-Mansh buǵazynyń astymen ótedi.
