La-Mansh buǵazynan iz-túzsiz joǵalǵan fýtbolshy Emılıano Sala mingen ushaq tabyldy
ASTANA. QazAqparat - La-Mansh buǵazynan qańtarda iz-túzsiz ketken «Kardıff Sıtı» klýbynyń tarıhyndaǵy eń qymbat oıynshy, argentınalyq Emılıano Sala ushqan ushaq tabyldy, dep habarlaıdy QazAqparat VVS-ge silteme jasap.
Ushaqtyń bólshekteri Gernsı aralynyń mańynan tabylǵan. Ol jerge Áýedegi oqys oqıǵalardy tekserý bóliminiń (AAІV) mamandary jiberildi.
Polıtsııa habar-osharsyz ketkenderdi aman tabýdyń múmkindikteri tipten az ekendigin málimdegen soń, joǵalǵan fýtbolshyny izdeýge jekemenshik kemeler jumyldyrylǵan bolatyn. Olarǵa fýtbolshy otbasynyń múshesi, muhıttanýshy Devıd Mırns basshylyq jasady.
Eske sala ketsek, jeńil motorly «Paıper Malıbý» ushaǵy La-Mansh buǵazynyń ústinen ushyp ótip bara jatqanda, 22 qańtar kúni radar betinen joǵalǵan edi. Onyń bortynda bolǵan fýtbolshy Emılıano Sala buǵan deıingi búkil karerasyn frantsýz klýbtarynda ótkizgen. «Nant» oıynshysy Ýelstiń «Kardıff» klýbymen kelisimshartqa otyryp, jańa komandasyna qosylý úshin bara jatqanda apatqa ushyrady.
Ol Ýels klýbynyń tarıhyndaǵy eń qymbat oıynshy edi. Onyń transferlik quny 15 mln fýnt sterlıng boldy.
