Lıýıs Hemılton «Formýla-1» jarysynyń jeti dúrkin chempıony atandy
NUR-SULTAN. QazAqparat – «Mersedes» komandasyndaǵy brıtandyq pılot Lıýıs Hemılton 2020 jylǵy «Formýla-1» avtojarysy boıynsha merziminen buryn álem chempıony ataǵyn ıelendi. Ol Túrkııadaǵy Gran-prı básekesinde birinshi oryn aldy, dep habarlaıdy QazAqparat BBC-ge silteme jasap.
Ekinshi oryndy «Reısıng Poınt» komandasynyń múshesi meksıkalyq Serhıo Peres enshiledi. Úshinshi bolyp «Ferarrı» komandasynan nemis Sebastıan Fettel keldi.
Osylaısha Hemılton «Formýla-1» jarysynyń jeti dúrkin chempıony atandy. Sóıtip ol aty ańyzǵa aınalǵan nemis Mıhael Shýmahermen teńesti. Budan basqa brıtandyq «koroldik jarystardyń» rekordshysy atandy. Barlyq sanattarda ol Shýmaherdiń jetistikterinen asyp tústi.
Aıta ketsek, Lıýıs Hemılton «Formýla-1» jarysyna 2007 jyly «Maklaren» komandasynyń quramynda alǵash ret qatysqan bolatyn. Birinshi ret ol 2008 jyly álem chempıony atandy, al 2013 jyly «Mersedes» komandasyna aýysyp, onda alty tıtýl (2014-2015, 2017-2020) utyp aldy.
