L.Súleımen: Elektorattyq protseste áleýmettik jelini qoldaný - azamattardyń konstıtýtsııalyq quqyqtaryn iske asyrý múmkindigi
«Qazaqstandaǵy qoldanystaǵy «Buqaralyq aqparat quraldary týraly» Zańǵa sáıkes barlyq ınternet rýsýrstar BAQ retinde qarastyrylatyndyǵyn taǵy da bir esterińizge salǵym keledi. Áleýmettik jeliler de óziniń tehnıkalyq mańyzy jaǵynan ınternet resýrs bolyp sanalady», - dedi ol.
Osy rette L.Súleımenova zańnama turǵysynan áleýmettik jeliler de BAQ retinde qarastyrylýy tıis ekendigin basa aıtty.
«Bizdiń oıymyzsha, Qazaqstan segmentindegi áleýmettik jeliler arqyly azamattar aqparat alýyna, onyń ishinde saılaý taqyrybyna baılanysty aqparat alýyna jáne ony taratýǵa baılanysty konstıtýtsııalyq quqyǵyn júzege asyrýyna bolady. Óıtkeni, «Saılaý týraly» Zańnyń 28 babynyń 1 tarmaǵyna sáıkes saılaý qorlaryn qurmaıtyn azamattar, qoǵamdyq birlestikter, qarjylandyrýdy talap etpeıtin saılaý aldy úgit júrgizýge quqyly. Osylaısha elektorattyq protseste áleýmettik jelini qoldaný da azamattardyń konstıtýtsııalyq quqyqtaryn iske asyrý múmkindigi bolyp tabylady. Bul múmkindikti paıdalana otyryp, azamattar «Saılaý týraly» Zań talaptaryn buzýǵa jol bermeýi tıis. Áleýmettik jelini paıdalanatyn azamattar, saıası partııalar óz qyzmetterin zań aıasynda atqarýy qajet», - dedi QR OSK múshesi.
Sonymen qatar ol Ortalyq saılaý komıssııasy partııalarmen, buqaralyq aqparat quraldarymen, Bas prokýratýramen, aqparat salasyndaǵy ókiletti organmen úgit naýqany zańnamany buzýshylyqtarsyz ótýi úshin ıkemdi jáne jedel jaýap qatý múmkindikterin qarastyratyndyǵyn basa aıtty.
