«L.N.Gýmılev atyndaǵy EUÝ túlekteriniń qaýymdastyǵy» 2 jańa kitap shyǵardy

dep habarlaıdy ýnıversıtettiń baspasóz qyzmeti.

Kitapty baspaǵa ázirleý barysynda quqyq, saıasattaný, ekonomıka, áleýmettaný, Qazaqstan tarıhy salalarynyń bilikti mamandary birlese eńbek etti. Kitap avtorlary: zań ǵylymynyń doktory, dotsent Tilepına Sholpan; tarıh ǵylymdarynyń doktory, professor Sadyqov Tilegen; saıası ǵylymdarynyń kandıdaty, dotsent Nechaeva Elena, zań ǵylymynyń doktory, professor Abaıdildınov Erbol jáne t.b.

Atalmysh kitapta muraǵat derekteri, sırek kitaptardaǵy maǵlumattar keltirilip, Qazaqstan Respýblıkasy zańnamasyna taldaý jasalyndy. Sondaı-aq, QR muraǵaty men Ulttyq murajaıynan alynǵan sýrettermen bezendirildi.

Basylymda QR memlekettiliginiń qalyptasýy men damýy máselelerine qatysty dáıekti derekter kórinis tapqan.

Kitap JOO stýdentterine, ustazdaryna, ǵylymı qyzmetkerlerge, sonymen qatar Qazaqstan tarıhy, memleket jáne quqyq tarıhy, saıasattaný, azamattyq qoǵamnyń saıası-quqyqtyq máseleleri syndy taqyryptar qyzyqtyratyn oqyrmandarǵa arnalǵan.

Basylym orys jáne qazaq tilderinde jaryq kórdi. Jalpy taralymy - 1000 dana.

«Baýyrjan Momyshuly - dańqty jaýynger jáne ult patrıoty» kitabynda Keńes Odaǵynyń Batyry, Panfılov dıvızııasynyń komandıri, kórnekti qolbasshy Baýyrjan Momyshulynyń qyzmeti men ómiri keńinen baıandalady. Avtorlary: tarıh ǵylymdarynyń doktory, professor Qabyldınov Zııabek; fılosofııa ǵylymdarynyń kandıdaty, professor Ysqaqova Kúlzıra; tarıh ǵylymdarynyń kandıdaty, dotsent Máken Serik.

Kitapta jazba derekter men muraǵat materıaldary keltirilgen. Sondaı-aq B.Momyshulynyń óziniń jáne onyń týystary men zamandastarynyń estelikteri de paıdalanyldy. Kitap mazmuny jaǵynan batyrdyń qyzmeti men ómir jolyn molynan qamtyǵan.

Basylymda batyrdyń qanatty sózderi, paıymdy pikirleri men maıdandastarynyń, zamandastarynyń lebizderi qalys qalǵan joq.

Kitap mektep, lıtseı oqýshylary men kolledj, JOO stýdentterine arnalǵan. Basylym orys tilinde jaryq kórdi. Jalpy taralymy - 1000 dana.