L.N.Gýmılev atyndaǵy EUÝ-da «Ana tilim- eldigimniń tiregi» aktsııasy ótedi

Memlekettik áleýmettik tapsyrys aıasynda Astana qalasy Іshki saıasat basqarmasynyń qoldaýymen iske asyp jatqan «Qazaqstan Respýblıkasy Táýelsizdiginiń 20 jyldyǵyn merekeleý aıasynda memlekettik tildi damytý baǵytynda is-sharalar ótkizý» atty áleýmettik joba jumysy júrgizilýde. Jobanyń maqsaty - memlekettik til máselesiniń ózektiligin jetkizý, memlekettik tildi damytýǵa kez-kelgen azamattyń úles qosa alatyndyǵyn nasıhattaý, til janashyrlarynyń qataryn kóbeıtý, Táýelsiz Qazaqstanda memlekettik tildiń mártebesin arttyrý jáne qazaqstandyq patrıotızmdi qalyptastyrý», - delingen taratylǵan habarlamada.

Aktsııa barysynda til týraly óleńderdi mánerlep oqý saıysy, memlekettik tildiń qoldanylý aıasyn keńeıtý boıynsha pikiralmasýlar men saýalnama ótkiziletin bolady.

Sharany uıymdastyrýshylar - Astana qalasynyń Іshki saıasat basqarmasy, L.N.Gýmılev atyndaǵy EUÝ-niń áleýmettik ǵylymdar fakýlteti, «Mássaǵan» ulttyq veb portaly demeýshileriniń «Jiger» odaǵy» qoǵamdyq birlestigi.