L.N. Gýmılev atyndaǵy EUÝ álemdik úzdik ýnıversıtetter reıtıngisinde 66 satyǵa kóterildi
ASTANA. 10 qyrkúıek. QazAqparat - Búgin Qazaqstan ǵylymy men bilimi úshin mańyzdy jańalyqtardyń biri oryn aldy. Álem ýnıversıtetteriniń arasynan úzdik ýnıversıtetterdi anyqtaıtyn QS World University Rankings agenttiginiń 2013/2014 reıtıngisine Qazaqstandyq joǵary oqý oryndarynyń kóshbasshysy L.N.Gýmılev atyndaǵy Eýrazııa ulttyq ýnıversıteti 66 satyǵa kóterilip 303 oryndy ıelenip otyr. Bul týraly atalǵan ýnıversıtettiń baspasóz qyzmetinen habarlandy.
L.N.Gýmıleva atyndaǵy EUÝ reıtıngte 2009 jyldan bastap qatysyp keledi. Sol bastamadan soń ýnıversıtet eki jyl qatarynyn álemniń eń úzdik joǵary oqý oryndarynyń ishinde kórinýde. L.N.Gýmılev atyndaǵy Eýrazııa ulttyq ýnıversıteti ótken jyly álemniń eń úzdik 400 ýnıversıtetiniń qataryna kirse, bıyl eleýli serpilis jasady. Osy kórsetkishterdiń ózi otandyq joǵary bilim berý júıesiniń laıyqty damyp otyrǵanyn kórsetýde. QS World University Rankings agenttigi ýnıversıtetterdiń reıtıngterin anyqtaý barysynda jumys berýshilerdiń pikirleri, qyzmetkerler men bilim alýshylardyń ǵylymı eńbekterine silteme jasaý kórsetkishteri, ýnıversıtette júrgizilip jatqan ǵylymı-zertteý jumystarynyń jalpy deńgeıi eskeriledi. Sonymen qatar professor-oqytýshylar quramynyń stýdentter sanyna qatynasy deńgeıi, basqa elderden kelgen oqytýshylar men stýdentter úlesi de baǵalanady. Álemniń úzdik ýnıversıtetteriniń úshtigin Masachýsets tehnologııalyq ınstıtýty (AQSh) bastap keledi, ekinshi orynda Garvard (AQSh), al úshinshi orynda Kembrıdj ýnıversıteti (Ulybrıtanııa). «Qazaqstannyń jetekshi joǵary oqý oryndarynyń biri L.N.Gýmılev atyndaǵy Eýrazııa ulttyq ýnıversıteti bilim berý sapasyn qamtamasyz etý jónindegi Táýelsiz qazaqstandyq agenttiginiń (IQAA-NKAOKO) ulttyq reıtıngisine sáıkes 1 oryndy eki jyl qatarynan ıelendi.
