L. Messı bir matchta eki rekord ornatty. VIDEO.
ASTANA. 31 naýryz. QazAqparat - «Ispanııalyq «Barselona» klýbynyń shabýylshysy Lıonel Messı Ispanııa chempıonatynyń kezekti 29 týrynda «Selta» qaqpasyna gol soǵyp, jańa rekord ornatty, dep habarlaıdy RBK.
Infostrada-nyń habarlaýynsha, Messı qatarynan 19 oıynda dop soqqan Ispanııa chempıonaty tarıhyndaǵy birinshi fýtbolshy atanyp otyr. Sonymen qatar ol bir maýsym ishinde birinshilikke qatysqan barlyq komandalardyń qaqpalaryna gol soqty.
Aıta keterlik taǵy bir jaıt, Messı qonaq alańynda soqqan doptar sany boıynsha «Real» shabýylshysy Krıshtıaný Ronaldýdyń ótken jylǵy maýsymda ornatqan rekordyn qaıtalady.
Endi argentınalyqtyń enshisinde bıylǵy maýsymda 43 gol bar. Krıshtıaný Ronaldý 28 gol soqty.
Esterińizge salsaq Barselona - Selta oıyn teń aıaqtaldy (2:2), alaıda katalonııalyqtardyń basty qarsylasy «Real» da «Saragosamen» teń tústi (1:1). Endi «Atletıko» jeńiske jetse, ekinshi orynǵa shyǵatyn múmkindigi bar.
