L.Kachınskı opat bolǵan ushaqtyń kabınasynda bógde bireý bolǵany anyqtaldy
ASTANA. Mamyrdyń 6-sy. QazAqparat. Polsha Prezıdenti Leh Kachınskıdiń ushaǵy apat bolardyń aldynda pılottar kabınasynda bógde bireý bolǵan,
ol - áıel adam, dep habarlaıdy RBK agenttigi.
Polshanyń RMF24 radıostansasy men TVN24 telearnasynyń jýrnalısteri bul týraly «qara jáshiktegi» málimetterge silteme jasap habarlap otyr. Ázirge bul aqparat ne resmı rastalǵan, ne teriske shyǵarylǵan joq.
Ushý kezinde Tý-154M kabınasynda 4 adam - birinshi jáne ekinshi ushqysh, shtýrman jáne mehanık qana bolýy kerek. Jýrnalısterdiń aıtýynsha, «qara jáshikte» besinshi adamnyń - áıel adamnyń daýysy jazylyp qalǵan. Ol stıýardessa nemese jolaýshylardyń bireýi bolýy múmkin.
