L.Gýmılev atyndaǵy EUÝ-de «Qyz Jibek-2011» arýlar baıqaýy ótedi

dep habarlady oqý ordasynyń baspasóz ortalyǵynan.

Baıqaýda aldyn ala irikteýden ótken 13 arý baq synamaq. Sondaı-aq, osy jıyn barysynda ýnıversıtette qyzmet jasap júrgen ǵalym, qarapaıym qyzmetker analar arasynda ótkizilgen baıqaýdyń qorytyndysy jarııalanyp, jeńimpazdar baǵaly syılyqpen marapattalady.

EUÝ-da jyl saıyn dástúrli túrde ótkiziletin atalmysh jıynnyń negizgi maqsaty - halqymyzdyń salt-dástúrin, ádet-ǵurpyn nasıhattaý.

«Qyz Jibek pen Baıan sulýdyń búgingi sińlileri óz arasynda «Qyz Jibek-2011» jeńimpazy bolý úshin bar ónerlerin ortaǵa salady. Olardyń boıynda bar naǵyz qazaq qyzynyń ınabattylyǵy men ónerine baǵa beretin qazylar alqasynyń quramynda - EUÝ rektory B.Ábdiraıym, Respýblıkalyq «Ulan» qolbasshysy A.Tasbolatov, aqyn F.Ońǵarsynova, «Qalja» fılminiń rejısseri S.Sraıyl, «Daryn» jastar syılyǵynyń laýreaty D.Tańatarov, aıtysker aqyn A.Tursynbaeva, «Aısha bıbi» halyqtyq bı ansambliniń jetekshisi A.Baıdaýlet bar», - delingen baspasóz habarlamasynda.