L.Gýmılev atyndaǵy Eýrazııa ulttyq ýnıversıtetinde halyqaralyq ǵylymı-tájirıbelik semınar ótedi
ASTANA. Qańtardyń 18-i. QazAqparat - Qańtardyń 19-ynda L.Gýmılev atyndaǵy Eýrazııa ulttyq ýnıversıtetinde «Jańa aqparattyq tehnologııalardyń negizinde tabıǵatty qorǵaý salasyndaǵy tyń ádister» taqyrybynda Halyqaralyq ǵylymı-tájirıbelik semınar óz jumysyn bastaıdy.
Bul aqparatty atalǵan bilim ordasynyń «Eýrazııa aqparat» ortalyǵy taratyp otyr.
El ekologtaryn oqytýdy kózdeıtin semınar barysynda Qazaqstan men Reseıdiń ekolog-mamandary baıandama jasap, tabıǵatty qorǵaý salasynda jańa aqparattyq tehnologııalardy qoldaný boıynsha arnaıy dárister ótkizedi.
«Іs-sharaǵa shaqyrylǵan qonaqtardyń ishinde QR Qorshaǵan ortany qorǵaý mınıstrligi Ǵylym, monıtorıng jáne ekologııalyq máseleler departamentiniń dırektory Bolat Beknııaz, Reseıdegi «Logos-Plıýs» kásiporynynyń bólim bastyǵy Vladımır Mokroýsov, Aýa atmosferasyn qorǵaý respýblıkalyq ǵylymı-zertteý ortalyǵynyń dırektory Rysty Quttyǵulova jáne taǵy basqa azamattar bar», delingen baspasóz habarlamasynda.
