«KzRating» agenttigi Eýrazııalyq banktiń kredıttik reıtıngin kóterdi
ALMATY. 3 qańtar. QazAqparat - Qazaqstandyq «KzRating» agenttigi Eýrazııalyq banktiń kredıttik reıtıngin ulttyq shkala boıynsha A-dan A+-ǵa jáne halyqaralyq shkala boıynsha VV-den BB+-ge kóterdi.
Reıtıngter boıynsha boljam turaqty. Banktiń baspasóz qyzmetiniń habarlaýynsha, agenttiktiń qarjylyq jáne operatsııalyq kórsetkishteriniń turaqty túrdegi ońdy serpini reıtıngtiń ózgerýiniń sebebi bolyp tabylady. Reıtıng menshik qurylymynyń aıqyndylyǵyna, negizgi aktsıonerlerdiń joǵary deńgeıli qoldaýyna, syrtqy qorǵa aınaldyrý táýeldiliginiń tómendigine, transshekaralyq táýekelderdiń bolmaýyna negizdelgen. Kapıtal jetimdiliginiń tómengi deńgeıi, ortasha merzimdi kezeńderdegi ótimdiliktiń alshaqtyǵy reıtıngti ustaýshy faktorlar bolyp otyr.
GlobalRating reıtıngtik toptyń quramyna kiretin «KzRating» reıtıngtik agenttigi- bankter men kásiporyndardyń qarjylyq turaqtylyǵyna jan-jaqty saraptamalyq taldaý jasaıtyn táýelsiz ulttyq reıtıngtik agenttik. 2006 jyldyń naýryz aıynan beri jumys jasap kele jatqan bul agenttik 2010 jylǵy 19 aqpanda «Qazaqstan qor bırjasy» AQ Lıstıngtik komıssııasynyń sheshimimen tanymal reıtıngtik ǵagenttikterdiń tizimine engizildi.
