Qyzynyń Olımpıadaǵa barýy úshin ata-anasy sıyrlaryn satyp jiberdi
ASTANA. QazAqparat - Amerıkandyq snoýbordshy qyz Keıtlın Ferrıngtonnyń Sochıdegi Olımpıada oıyndaryna barýy úshin onyń ata-anasy sharýa qojalyǵyndaǵy barlyq sıyryn satqan.
24 jastaǵy sportshy NBC-ge bergen suhbatynda jattyǵý jıyndaryna aqsha tóleý úshin ata-anasy Aıdaho shtatynyń Sannı-Vallı fermasyndaǵy barlyq sıyryn saýdalaǵanyn aıtty.
Ferrıngton Olımpıada oıyndaryna alǵash ret qatysqaly tur. Sportshy 2008 jylǵy jastar arasyndaǵy álem chempıonatynyń kúmis júldegeri, Park-Sıtıdegi (AQSh) álem kýbogynda qola enshilegen, AQSh Gran-prıi jalpy esebiniń jeńimpazy. 2013 jylǵy álem chempıonatynda ol 4 orynnan kóringen. Hafpaıp boıynsha synǵa túsedi, dep habarlady ITAR-TASS.
