Qyzyn vannadaǵy ystyq sýǵa qulatyp alǵan qaraǵandylyq jazadan bosatyldy
QARAǴANDY. QazAqparat - Eki jasar qyzyn abaısyzda óltirip alǵan Qaraǵandy turǵyny qylmystyq jaýapkershilikten bosatyldy, dep habarlaıdy «QazAqparat» HAA tilshisi.
«Eshqaıda ketpeý týraly qolhat» berilgen 43 jastaǵy áıel kisi óz kinásin moıyndady. Quqyq qorǵaý organdary qylmystyń abaısyzda bolǵanyn, sondaı-aq onyń estý qabiletiniń bolmaýyn jáne úshinshi toptaǵy múgedek ekendigin eskerip, ony jaýapqa tartýdan bosatý týraly sheshim qabyldady. QR QK 104-baby «Abaısyzda qazaǵa ushyratý» boıynsha qylmystyq isti toqtatty.
Dıana esimdi qaza tapqan qyz balalar tserebaldy sal aýrýymen aýyrǵan. Ol buryn saýyqtyrý kvotasy boıynsha Astanadaǵy medıtsınalyq ortalyqta em qabyldaǵan.
Eske salaıyq, qaıǵyly oqıǵa 2017 jyldyń 9 aqpan kúni Qaraǵandynyń Oktıabrskıı aýdanynda boldy. Estý múkistigi bar úshinshi top múgedegi, 43 jastaǵy áıel abaısyzda eki jasar qyzyn vannadaǵy ystyq sýǵa qulatyp aldy. Búldirshin kúıik shalyp, kóz jumdy.
